ადამიანის უფლებათა დაცვის დღე

პირველად ცნება "ადამიანის უფლებები" ფრანგულ " ადამიანისა და მოქალაქის უფლებათა დეკლარაციაში " გვხვდება, რომელიც 1789 წელს მიიღეს , ხოლო ძირითადი დოკუმენტი "ადამიანის უფლებათა საყოველთაო დეკლარაცია" მიღებული იქნა 1948 წლის 10 დეკემბერს გაეროს გენერალურ ასამბლეაზე.
1950 წლიდან 10 დეკემბერი მსოფლიოში ადამიანის უფლებათა დაცვის დღედ აღინიშნება .
მე–20 საჯარო სკოლის მე–11 და მე–12 კლასებს შორის გაიმართა კონკურსი "ადამიანის უფლებების დღის" აღსანიშნავად, რომელზეც ჩვენმა მოსწავლეებმა წარმოაჩინეს თავიანთი ცოდნა ადამიანის უფლებებთან დაკავშირებით.

პროექტი "ჩვენ ვართ თინეიჯერები"

სკოლაში მოსწავლეებს გავაცანით პროექტი სახელწოდებით ჩვენ ვართ თინეიჯერები".
მე–7 გ კლასის მოსწავლეებმა მოამზადეს პროექტი და წარმოადგინეს მინი–პროექტის სახით. მოსწავლეებმა მოიძიეს ინფორმაცია თინეიჯერების ინტერესების შესახებ, ისაუბრეს მათ გატაცებებზე, ჩაცმულობაზე. ისაუბრეს თუ როგორი დამოკიდებულება აქვთ მათ თანატოლებს მასწავლებლებთან, მშობლებთან. წამოწიეს მათვის საინტერესო თემები. მოაწყეს პოდიუმი ბავშვებმა აჩვენეს თუ როგორ იცმევენ თინეიჯერები. დადგეს ორი ცეკვა და იმღერეს მგზავრების სიმღერა.
პროექტი ძალიან საინტერესო და სახალისო გამოვიდა, მოსწავლეები კმაყოფილი დარჩნენ თავიანთი ნამუშევრებით.

გავუფრთხილდეთ ჩვენს ქალაქს

მე–3 კლასის ხელმძღვანელმა ირმა ოსიტაშვილმა მიიღო მონაწილეობა საკუთარ პროექტში" გავუფრთხილდეთ ჩვენს ქალაქს". კლასთან ერთად მოაწყო სკოლის ახლო მდებარე ტერიტორიის დასუფთავება. მსგავსი პროექტები ხელს უწყობს მოსწავლეების განვითარებას და ეკოლოგიას

ქ.რუსთავის N20 სკოლაში ინგლისური ენის კაბინეტის გახსნა

10 დეკემბერს ქ. რუსთავის მე–20 საჯარო სკოლაში საზეიმო განწყობა სუფევდა. დილიდანვე ყველა რაღაც დიდის მოლოდინში იყო. დიდი თუ პატარა საქმიანი იერსახით გამოირჩეოდა.

სკოლის ისტორიის კიდევ ერთი საკმაოდ მნიშვნელოვანი ფურცელი იწერებოდა

მშვიდობის კორპუსის ხელშეწყობით სკოლაში მომზადდა პროექტი, სკოლის დირექტორის ნ. ღოლიჯაშვილის ამერიკელი მოხალისისა ბრაიან გილიკინის და ისტორიის მასწავლებლის ნინო ბიძინაშვილის მიერ, რომელმაც მოიპოვა გრანტი. გრანტით მოპოვებული თანხა მოხმარდა სკოლაში თანამედროვე ტექნოლოგიით აღჭურვილი უცხო ენის კაბინეტის მოწყობას.

კაბინეტის პრეზენტაციის ორგანიზებაში ყველა ერთსულოვნად ჩაება. ჩატარდა ერთობლივი გაკვეთილები პარტნიორ მასწავლებლებისა და ამერიკელი მოხალისის მიერ 7გ კლასი ანა მიროტაძე და ბრაიან გილიკინი. 11 კლასი – ნანა პაპალაშვილი და ბრაიან გილიკინი. 6 კლასის მოსწავლეებმა ნინო მეზვრიშვილის ხელმძღვანელობით მოაწყვეს პროექტის მინი პრეზენტაცია სახელწოდებით „ამერიკა და საქართველო“. 11 კლ. მოსწავლემ თამარ სუხაშვილმა წარმოადგინა ქართული საიტის პრეზენტაცია.

სკოლაში უამრავი სტუმარი იყო მოწვეული: სხვადასხვა სკოლებში მოღვაწე ამერიკელი მოხალისეები, რესურსცენტრისა და ინგლისური ენის მასწავლებელთა ორგანიზაცია იტაგის წარმომადგენლები, მე–10 საჯარო სკოლის დირექტორი ნანა შატბერაშვილი უშუალო მონაწილენი გახდნენ იმ ლამაზი სანახაობისა. რომელსაც ასე მოუთმენლად ელოდა ყველა.

პრეზენტაციის ბოლოს მაია ვეფხოშვილისა და ნანა პაპალაშვილის ხელმძღვანელობით მომზადებულმა მიუზიკლმა „მუსიკის ჰანგები“ დიდი შთაბეწდილება მოახდინა სტუმრებსა და ბავშვებზე. სასიამოვნო განწყობას ქმნიდა სკოლაში შექმნილი გარემო. გაფორმებული დერეფანი და სააქტო დარბაზი ამერიკის ერთ–ერთი უბნის იმიტაციას ქმნიდა.

ბავშვებმა სულ ცოტა ხნით თავი იგრძნეს უცხო ქვეყანაში, მაგრამ მათ მეხსიერებას დიდი ხნით გაჰყვება ამ დღეს მიღებული შთაბეჭდილება.

9 დეკემბერს IV კლასებს შორის ბუნებისმეტყველებაში ჩატარდა ინტელექტუალური ვიქტორინა თემაზე „მოგზაურები და აღმოჩენები“.

ვიქტორინის მიზანი იყო, შეძენილი ცოდნის დემონსტრირება (მოსწავლეები რუკაზე განსაზღვრავდნენ ობიექტების მდებარეობებსა და ურთიერთმიმართულებებს, მსჯელობდნენე დედამიწის ფორმაზე.)

ვიქტორინა ჩატარდა სამ ეტაპად :

პირველ ეტაპზე მოსწავლეები პასუხობდნენ პრეზენტაციით წარმოდგენილ კითხვებს.

მეორე ეტაპიშედგებოდა ღია კითხვებისაგან

და მესამე ეტაპი იყო თამაში „ლაბირინთი“. დავალების პირობა იყო შემდეგი. 15 კვადრატი იყო მოცემული. მტკიცებულებით. თუ ეთანხმებოდნენ მტკიცებულებებს, მაშინ უნდა გადასულიყვნენე „დიახ“ ისრით. თუ მტკიცებულება მცდარი იყო, მაშინ – „არა“ ისრით

კლასის საათი „სპორტი, სპორტი, სპორტი....“

Vა კლასში კლ. დამრიგებელი ლარისა გოდერიძე 02.12.10

მიზანი: განუვითაროთ ინტერესი სპორტის მიმართ, ჩავრთოთ, ისისნი სპორტულ თამაშებში, ჩამოუყალიბოთ სწორი წარმოდგენა ჯანმრთელი ცხოვრების წესზე.

გაფორმება: ეკრამზე სლაიდები, სკოლის მოსწავლეების მიერ სპორტშიმიღწეულიწარმატებების აღმნიშვნელი მასალის გამოფენა, საქართველოს ჩემპიონის ბ. ლეკიაშვილის მედლები საქართველოს ნაკრების წევრების რაგბში ჯიმშელაძეების პლაკატები, ბურთების გამოფენა.

ადგილი: სააქტო დარბაზი (სკოლის)

სტუმრები: დირექცია, მშობლები, მასწავლებლები, VI-VII კლასების მოსწავლეები.

მაყურებლები

მიმართვა მოსწავლეებთან–იციან თუ არა, რომ ჩვენმა სკოლამ აირჩია

თამაშები: კალათბურთი, ფეხბურთი და ფრენბურთი.

მოსწავლეები აკეთებენ პრეზენტაციას. სხვადასხვა სპორტის სახეობებზე, რომლებიც არიან დაკავშირებულები ბურთთან (მაგ: კალათბურთი ფეხბურთი, ხელბურთი და ა შ.)

გამოდიან სიტყვით: ქართული ენის მასწავლებელი. ლეკიაშვილი ლუიზა, რომელიც ყვება თავის შვილზე – ლეკიაშვილ ბესოზე, დირექტორის მოადგილე ქ–ნ მანან ჯიმშელაძე თავის შვილზე და შვილიშვილზე, რომლებიც არიან საქართველოს ნაკრების წევრები რაგბში.

3. ფისკულტურის მასწავლებელი ინგა მარღიშვილი მოახსენა მოსწავლეებს ჩვენი სკოლის მიღწევებზე სხვადასხვა შეჯიბრებებში.

4. საუბარი მაყურებელთან – რა იცოდნენ და რა გაიგეს ახალი.

5. დასკვნა – მოსწავლეები – გოგონები.

გუნდის ვარჯიშის

გულშემატკივართა წარმომადგენლების გამოსვლითი ვარჯიშების დემონსტრირება.

დამსწრეებს სთხოვეს გამოეხატათ, როგორ მოიქცეოდნენ საყვარელი გუნდის გამარჯვების გამოსახატავად სტადიონზე და მთელნმა დარბაზმა ერთიანად წამოიძახა: „გოლ! ვაშა! გაუმარჯოს საქართველოს!“

ინტელექტუალური თამაში " გვახსოვდეს ტაო–კლარჯეთი"

6 დეკემბერს სკოლაში, რელიგიის მასწავლებლის ნინო ბიძინაშვილი ინიციატივით ჩატარდა ინელექტუალური კონკურსი სახელწოდებით ,,გახსოვდეთ ტაო - კლარჯეთი".
კონკურსის დასაწყისში 5ბ კლასის მოსწავლეებმა შესთავაზეს დამსწრე საზოგადოებას მცირე ლირიული შესავალი , რომლის მიზანი იყო მაყურებლებისთვის ემოციური განწყობილების შექმნა . მოსწავლეებმა წმინდა ილია მართლის , წმინდა დავით მეფსალმუნისა და სრულიად საქართველოს კათალიკოს პატრიარქის გამონათქვამებზე დაყრდნობით ისაუბრეს ქართველი ერის დიდებულ წარსულზე, ჩვენი წინაპრების ღვაწლზე, ჩვენ მოვალეობებზე ერისა და წინაპრების წინაშე. დასკვნის სახით მათ წარუდგინეს დამსწრე საზოგადოებას ვიდეო კლიპი ,,ტაო კლარჯეთი ჩვენი ტკივილი და სიამაყე " , რომელმაც დიდი შთაბეჭდილება მოახდინა მაყურებელზე.
კონკურსში მონაწილეობას იღებდნენ 5ა (გუნდი ,,სამება"), 5ბ (გუნდი ,,სვეტიცხოველი")5გ (გუნდი ,,ტაო" ) კლასების მოსწავლეები.
კონკურსის ფარგლებში მოსწავლეებმა შეასრულეს ოთხი დავალება :

• მუშაობა რუკაზე
• ისტორიული ცხრილების შევსება
• ტაძრის გამოცნობა ფოტო სურათის მიხედვით
• და კენჭისყრით შერჩეული ტაო - კლარჯეთის ერთერთი ტაძრის პრეზენტაცია.

პირველ ორ კონკურსში ყველა ჯგუფმა მოაგროვა ქულათა თანაარი რაოდენობა, მესამე კონკურსში დაწინაურდნენ გუნდები ,,სამება "(5ა კლ ) და ,,ტაო" (5გ კლ ), ხოლო მეოთხე კონკურსმა გამოავლინა გამარჯვებული გუნდი - ,,ტაო" (5გ კლ)
გამარჯვებული გუნდი სკოლის დირექციისგან დაჯილდოვდა ექსკურსიით თბილისში, ჯანაშიას სახელობის მუზეუმში (ოქროს ფონდი).
კონკურსის საპატიო სტუმარი იყო დეკანოზი მიქაელი (ჭაბაშვილი), რუსთავის ხარების სახელობის ეკლესიის წინამძღვარი. 5ბ კლასის გუნდის წევრები განსაკუთრებულ მადლობას ვუხდით მამა მიქაელს გამხნევებისთვის !!!ასევე მადლობას ვუხდით 9ა კლასის მოსწავლეს : გიორგი ლაბაძეს და 6ბ კლასის მოცეკვავეებს და ,რომლებმაც ჩვენი კონკურსი გაალამაზეს ქართული ცეკვებით !

"მოესაზრე , მოიფიქრე, გამოიცან"

30 ოქტომბერს რუსთავის მე–20 საჯარო სკოლაში ჩატარდა ვექტორინა " მოისაზრე, მოიფიქრე, გამოიცან" მე–5 კლასებს შორის . ღონისძიება იყო შემეცნებით–ინტელექტუალური. (მასწავლებელები ნინო მარგველაშვილი, გალინა აბულაძე)

ვიქტორინა შედგებოდა 5 ტურისგან. ვიქტორინაში მონაწილეობას ღებულობდნენ არა მარტო გუნდები , არამედ მათი გულშემატკივრებიც.

გამოვლინდა გამარჯვებული გუნდი მე–5 ა კლასიდან , გუნდის სახელი "სხივი".

ღონისძიებამ ძალზე საინტერესოდ ჩაიარა.

ასეთი ღონისძიებები ხელს უწყობს მოსწავლეთა აზროვნების და ინტელექტის ამაღლებას.

საქართველოს კუთხეების წარმოდგენა პრეზენტაცია

26 ნოემბერს სკოლაში გაიმართა ღონისძიება სახელწოდებით " საქართველოს კუთხეები"
მოსწავლეებმა მოახდინეს საქართველოს კუთხეების წარმოდგენა და პრეზენტაცია.
მოსწავლეებმა მოამზადეს თემები და ელექტრონული პრეზენტაციები . იხილეთ მოსწავლეების მიერ წარმოდგენილი მასალა:
იმერეთი ;
ქართლი ;
სამეგრელო ;
კახეთი ;
მთიულეთი და სვანეთი ;
გურია ;
აფხაზეთი ;

"ადამიანი და გარემო"

ჩატარდა შიდა სასკოლო კონფერენცია თემაზე "ადამიანი და გარემო"

მონაწილეობა მიიღეს VIII-X-XII კლასის მოსწავლეებმა. წარმოადგინეს თემები : შიდსი, თამბაქო, ეპატიტი, ღორის გრიპი, მომწამლავი ქიმიური ნივთიერებები და გენეტიკური დაავადებები.

ბუნება მბრძანებელია წარმოადგინეს ფოტოები და სლაიდ–შოუები თამასთან დაკავშირებით. ამ კონფერენციის მიზანი იყო საბუნებისმეტყველო საგნების მიმართ ინტერესის ამაღლება , მოსწავლეებში შესაბამისი უნარ–ჩვევების გამომუშავება.

კონფერენციის ორგანიზატორი : მარიკა კოპაძე

ქვემოთ იხილეთ ღონისძიებაზე გამოყენებული მასალა:

ქიმიური იარაღი ;

ქიმიური იარაღი –2;

ღორის გრიპი;

რაჭა ;

სიგარეტი .

ვირტუალური მოგზაურობა ტაო კლარჯეთში

ვირტუალური მოგზაურობა ტაო კლარჯეთში

ორშაბათს, 8 ნოემბერს ჩატარებული საკლასო საათის თემა იყო ტაო კლარჯეთი - ჩვენი უსაზღვრო ტკივილი და სიამაყე .

მიზანი:

• მოსწავლეები გაეცნონ ტაო კლარჯეთში არსებულ ქართული ხუროთმოძღვრულ ძეგლებს
• მოსწავლეები დაინტერესდნენ ტაო კლარჯეთში არსებული ქართული ეკლესია - მონასტრების ისტორიით
• მოსწავლეებმა იმსჯელონ ხუროთმოძღვრული ძეგლების დაცვის აუცილებლობაზე, გამოთქვან იდეები არსებული პრობლემების მოსაგვარებლად

მსვლელობა

გაკვეთილის დასაწყისში დამრიგებელი ძალიან მოკლედ უხსნის მოსწავლეებს ტაო-კლარჯეთის თანამედროვე გეოპოლიტიკურ მდგომარეობას და უყვება მის ისტორიას. გაკვეთილის ძირითად დროში დამრიგებელი აჩვენებს მოსწავლეებს სლაიდ შოუს , სადაც მოთავსებულია ტაო კლარჯეთში არსებული ეკლესია-მონასტრების , ციხეების ამსახველი მასალა . ფოტო მასალის დემონსტრაციის დროს მასწავლებელი სთხობვს მოსწავლეებს დაახასიათონ ეკლესია-მონასტრების მდგომარეობა.
გაკვეთილის დასასრულს მასწავლებელი სთხოვს მოსწავლეებს გამოთქვან მოსაზრებები იმის შესახებ, თუ რა შეიძლება გააკეთოს თურქეთის და საქართველოს მთავრობამ , მოსახლეობამ, მეცენატებმა ამ ძეგლების გადასარჩენად .

სალიდ შოუს 1.ნაწილი

http://www.slideshare.net/ninobidzinashvili/1-5693411

სლაიდ შოუს 2.ნაწილი

http://www.slideshare.net/ninobidzinashvili/2-5693564

პოეზიის დღე

2010 წლის 12 ნოემბერს ჩვენს სკოლაში პოეზიის დღე აღინიშნა.
მე–8 ა კლასის მოსწავლეებმა დამსწრე საზოგადოების წინაშე წაიკითხეს მანან ჩიტიშვილის ლექსები. XXსაუკუნის ამ შესანიშნავი პოეტი ქალის შემოქმედებაში უხვად არის მშობლიური კუთხის ქართლის საყვარულით სავსე ლექსები.
დღეს "საქართველოს გული–ქართლი, დაჭრილია" და განსაკუთრებით სჭირდება მოფერება და თანადგომა. მოსწავლეების მიერ შერჩეულ ლექსებში ერთმანეთს ენაცვლებოდა სამშობლოს მძიმე , მაგრამ გმირული წარსულით გამოწვეული სევდა და სიამყე, ზოგჯერ მწუხარე და ამავე დროს სიცოცხლით საცსე, იშვიათი მხატვრული სახეებით მდიდარი სტრიქონები.
ამ დღემ კიდევ ერთხელ დაგვარწმუნა , რომ პოეხიზ ადამიანებს შორის ურთიერთობის ერთ–ერთი საუკეთესო საშუალებაა. გადამდები აღმოჩნდა მოზარდების ინიციატივა. მათ შემდეგ საკუთარი ლექსები წაიკითხეს. მასწავლებლებმა – მზია ჩოქური და მაყვალა ბერძენიშვილმა, მოსწავლეებმა – ნ.ხელაძემ (11 კლასი) და მ. ოდიშელიძემ (მე–8 კლასი )
სკოლის სააქტო დარბაზი ყველამ სასიამოვნო , მაღალი განწყობით დატოვა.

საღამოს ორგანიზატორი მაყვალა ბერძენიშვილი

მოსწავლეთა თვითმმართველობამ თხოვნით მიმართა გარემოს დაცვისა და ბუნებრივი რესურსების სამინისტროს წარმომადგენელს კახა გაგნიძეს , რომელიც არის ჩვენი სკოლის VII გ კლასის მოსწავლის თამარ გაგნიძის მშობელი , სკოლის ეზოს გასამწვანებლად გადმოეცათ 20 ძირი ხის ნერგი .10.11.10 – ში გარემოს დაცვისა და ბუნებრივი რესურსების სამინისტროს წარმომადგენელმა კახა გაგნიძემ მოიტანა 20 ძირი ხის ნერგები . სკოლის თვითმმართველობის წევრებმა ჩაატარეს აქცია ეკლოგიის დღესთან დაკავშირებით . სკოლის სხვა მოსწავლეებთან ერთად დარგეს 20 ძირი ხის ნერგი . მოსწავლეებმა აქტიური მონაწილეობა მიიღეს ამ დაგეგმილ აქციაში.

5 ნოემბერს სკოლაში ჩატარდა შიდა სასკოლო კონფერენცია თემაზე " მოგზაურობა საქართველოში".

მოსწავლეებმა მოამზადეს თემები საქართველოს რეგიონების შესახებ. თემაში აღნიშნული იყო რეგიონის ფიზიკურ–გეოგრაფიული მახასიათებლები, ისტორიული ღირსშესანიშნაობები.

ბავშვებმა დამოუკიდებლად შექმნეს რუქები, სლაიდები.

კონფერენცია მიზნად ისახავდა, რომ მოსწავლეებმა გაიღრმავონ ცოდნა თავისი ქვეყნის , ბუნების, გეოგრაფიის შესახებ. შეიყვარონ და გაითავისონ პირადი პასუხისმგებლობა თავისი სამშობლოს მომავალზე.

ღონისძიება "რა ღირს ცოცხალი ბუნება"

2 ოქტომბერს საბუნებისმეტყველო საგნების კვირეულის ფარგლებში ჩატარდა ღონისძიება "რა ღირს ცოცხალი ბუნება" , რომელშიც მონაწილეობას ღებულობდნენ Vა კლასის (პედაგოგი :ალინა შალამბერიძე) Vგ კლასის (პედაგოგი მარიკა კოპაძე ) მოსწავლეები.

2010 წელი ბიომრავალფეროვნების საერთაშორისო წლად არის გამოცხადებული. ღონისძიებაც მიზნად ისახავდა ცოდნის გაღრმავებას "წითელი ნუსხის" სახეობების შესახებ. მოსწავლეებმა საინტერესოდ ისაუბრეს ეკოლოგიაზე. იმ პრობლემებზე რომლებიც საფრთხეს უქმნის სიცოცხლეს დედამიწაზე.

შემდეგ პატარა მსახიობებმა თეატრალიზირებული სანახაობა წარმოადგინეს , სადაც კითხვაზე "რა ღირს ცოცხალი ბუნება?" ბავშვებს ერთადერთი პასუხი ჰქონდათ, რომ ბუნება–როგორც სიცოცხლის წყარო ყველა სიმდიდრეზე ძვირია, რაც ღმერთს შეუქმნის და მისი დაცვა ყველა ჩვენთაგანის მოვალეობაა.

ღონისძიება მოამზადა ალინა შალამბერიძემ