"მათ სახელს სამშობლო სანთლებად აინთებს"

2011 წლის 6 აპრილს სკოლაში ჩატარდა ღონისძიება "მათ სახელს სამშობლო სანთლებად აინთებს". ეს იყო პროექტის "ომის ნამდვილი სახე" –ს ( ფასილიტატორი – ელენე ხაჩიძე http://faceofware.blogspot.com/ ) ბოლო ეტაპი. პროექტი ავირჩიეთ სასწავლო წლის პირველ ნახევარში და ეტაპობრივად სკოლაში ხორციელდებოდა სხვადასხვა ღონისძიებები. დასაწყისისთვის მოსწავლეებმა მოინახულეს მუხათგვერდის ძმათა სასაფლაო, სადაც 2008 წლის აგვისტოს ომში დაღუპული გმირები არიან დაკრძალულნი. ბავშვებმა სანთლები დაანთეს ამ ბიჭების სახელზე აგებულ ასიათას მოწამეთა სახელობის ეკლესიაში. შემდეგ ეტაპზე გააკეთეს სტენდი სახელწოდებით: "რაც ერთხელ ცხოვლად სულს დააჩნდების..." .
გააფორმეს გაზეთი "ჩემი სამშობლოს გათელვა აბა, გაბედოს ვინმემ" .
მოაწყეს 2008 წლის აგვისტოს თემასთან დაკავშირებული , როგორხ მხატვრული ისე დოკუმენტური ფილმების ჩვენება–გაანალიზება.

პროექტის ხელმძღვანელი : მარინა ნინიაშვილი .
მასწავლებლები : მარინა ტაბატაძე
მაია ვეფხოშვილი